किस्पाङमा निःशुल्क आँखा जाँच शिविर, २०१ जनाको आँखा परीक्षण

४ भदौ, २०८३

नुवाकोट । नेपाल रेडक्रस सोसाइटी नुवाकोट जिल्ला शाखा, तिलगंगा आँखा प्रतिष्ठान गौशाला, काठमाडौं तथा तिलगंगा सर्जिकल सामुदायिक आँखा केन्द्र नुवाकोटको प्राविधिक सहयोगमा किस्पाङ गाउँपालिका–२ स्थित सातदोबाटोमा निःशुल्क आँखा जाँच कार्यक्रम सम्पन्न भएको छ।

नेपाल रेडक्रस सोसाइटी किस्पाङ शाखा तथा काहुले उपशाखाको समन्वय र स्थानीय विभिन्न स्वास्थ्य सस्थाहरुको सहयोगमा सम्पन्न भएको कार्यक्रममा २०१ जनाले निःशुल्क आँखा परीक्षण गराएको तिलगंगा सर्जिकल सामुदायिक आँखा केन्द्र नुवाकोटका प्रमुख ताराबहादुर वाइवाले जानकारी दिनुभयो ।

उहाँको अनुसार आँखा परीक्षणका क्रममा १६ जनामा मोतियाबिन्दुको समस्या देखिएको छ भने ४२ जनालाई चस्मा वितरण गरिएको

स्थानीय नागरिकलाई सहज रूपमा आँखा स्वास्थ्य सेवा उपलब्ध गराउने उद्देश्यले शिविर आयोजना गरिएको नेपाल रेडक्रस सोसाइटी किस्पाङ शाखाका संयोजक रबिन्द्र नाथ न्यौपानेको भनाई छ ।
उहाँको अनुसार शिविरमा सहभागी २०१ जनाको आँखा परीक्षण गर्दा १६ जनामा मोतियाबिन्दुको समस्या पहिचान भएको र ४२ जनालाई आवश्यकताअनुसार चस्मा समेत वितरण गरिएको हो।

आँखा स्वास्थ्यसम्बन्धी समस्या समयमै पहिचान गर्न तथा उपचारमा पहुँच सहज बनाउन आयोजित शिविरबाट स्थानीय नागरिक लाभान्वित भएका छन्।

शिविर सम्पन्न गर्न सहयोग पुर्‍याउने आयोजक, सह–आयोजक, प्राविधिक टोली, स्थानीय आयोजक तथा सम्पूर्ण सहयोगीप्रति नेपाल रेडक्रस सोसाइटी किस्पाङ शाखाले हार्दिक आभार व्यक्त गरेको छ।