काठमाडौँ । दोलखाको गौरीशङ्कर गाउँपालिका–९ मा पर्ने रोल्वालिङ हिमशृङ्खलाअन्तर्गत यलुङ री हिमालको आधार शिविरमा ५ वटा शव भेटिएका छन् । आधार शिविरमा हिजो शव भेटिएका हुन् ।

जिल्ला प्रहरी कार्यालय दोलखाका अनुसार ती शव गएको वर्ष कात्तिक १७ गते यलुङ री आरोहणका क्रममा हिमपहिरोमा परेकाहरूको हुन सक्ने प्रारम्भिक अनुमान छ । भेटिएका शव लिन आज बिहान आधार शिविरमा हेलिकप्टर पुगेको तर मौसम खराब हुँदा अवतरण हुन नसकेर फर्केको प्रहरीको भनाइ छ ।

यलुङ रीमा भेटिएका शवको पहिचान भने खुल्न सकेको छैन । गएको कात्तिक १७ गते आरोहणका क्रममा हिम पहिरोमा ५ विदेशीसहित २ जना नेपाली सम्पर्कविहिन भएका थिए ।

त्यस बेला २ जनाको मात्रै शव भेटिएको थियो । सोलुखुम्बुका मेरे कार्की र दोलखाका पदम तामाङको शव भेटिएकोमा इटालीका २, क्यानडा, फ्रान्स र जर्मनीका १/१ गरी ५ जनाको शव भेटिएको थिएन ।

अहिले भेटिएका सबै शव मौसम अनुकूल हुनेबित्तिकै जिल्ला सदरमुकाम चरिकोट ल्याउने प्रहरीले जनाएको छ ।

यलुङ री रोल्वालिङ हिमशृङ्खलाको ५ हजार ६३० मिटर उचाइमा रहेको प्रसिद्ध हिमाल हो ।

गोसाइँकुण्डमा जनैपूर्णिमा मेलाको तयारी

रसुवा । जिल्लाको प्रख्यात तीर्थस्थल गोसाइँकुण्डमा हरेक वर्ष जनैपूर्णिमाका दिन लाग्ने मेलालाई लक्षित गरी तीव्र गतिमा तयारी थालिएको छ ।  आगामी भदौ

नुवाकोटको प्रहरी–प्रशासन प्रति सूर्यगढीबासी सन्तुष्ट !!

चोकदे । नुवाकोटको सूर्यगढी गाउँपालिकाबासीले प्रहरी–प्रशासनबाट प्रवाह भइरहेको सेवा प्रति सन्तुष्ट जनाएका छन् । जिल्ला प्रहरी कार्यालय नुवाकोटले

नेपाल औषधि लिमिटेड २५ वर्षपछि नाफामा, ३७ प्रकारका औषधि उत्पादनको तयारी

काठमाडौँ । नेपाल औषधि लिमिटेड २५ वर्षपछि फेरि नाफामा फर्किएको छ । आर्थिक वर्ष २०८१/८२ मा १० करोड रुपैयाँभन्दा बढी घाटामा रहेको संस्था आर्थिक वर्ष