काठमाडौँ । अस्ट्रेलियामा जारी टप एन्ड टी-२० सिरिजमा नेपालले लगातार दोस्रो हार बेहोरेको छ । शनिबार भएको खेलमा नेपालको ए टोली बंगलादेश हाइ पर्फर्मेन्स टोलीसँग पराजित भएको हो ।

नेपाललाई बंगलादेशले ९ विकेटले पराजित गर्‍यो । नेपालले दिएको १०० रनको सामान्य लक्ष्य बंगलादेशले १०.२ ओभरमा १ विकेटको क्षतिमा पूरा गर्‍यो ।

बंगलादेशका लागि जिशान आलमले आक्रामक ब्याटिङ गर्दै २९ बलमा अविजित ५२ रन बनाए । अरिफुल इस्लामले अविजित ३४ रन बनाए । नेपालका लागि शाहब आलमले १ विकेट लिए ।

त्यसअघि टस हारेर पहिले ब्याटिङको निम्तो पाएको नेपालले २० ओभरमा ९ विकेट गुमाएर ९९ रन बनाएको थियो । कुशल भुर्तेलले सर्वाधिक ४६ रन बनाए । बिपिन खत्रीले अविजित ११ तथा रिजन ढकालले १० रन बनाए ।

नेपाल एक समय ४ ओभरमा १३-५ को अवस्थामा पुगेको थियो । कुशल भुर्तेलले नेपालको खराब अवस्थाका बीच केही राहत दिलाए ।

नेपाल आफ्नो पहिलो खेलमा शुक्रबार एनटी स्ट्राइकसँग पनि पराजित भएको थियो ।

नेपालले अब आफ्नो तेस्रो खेलमा सोमबार होबार्ट हरिकेन्स एकेडेमीसँग खेल्नेछ ।

चीनमा सम्पन्न तेक्वान्दो प्रतियोगितामा नेपाली खेलाडीले ४ स्वर्णसहित १५ पदक जिते

काठमाडौँ । नेपाली खेलाडीले चीनको नानजिङमा भएको तेक्वान्दो ग्रान्डस्लाम युथ लिग ग्लोबल फाइनलमा विभिन्न स्पर्धामा ४ स्वर्ण, ५ रजत र ६ कांस्य पदक गरी १५

स्पेनले जित्यो १६ वर्षपछि विश्वकपको उपाधि

काठकाडौँ । साविक विजेता अर्जेन्टिनालाई पराजित गर्दै युरोपेली च्याम्पियन स्पेनले १६ वर्षपछि फिफा विश्वकप २०२६ को उपाधि जितेको छ । स्पेनले यसअघि सन्

विश्वकप फुटबलको उपाधिका लागि अर्जेन्टिना र स्पेन खेल्दै

काठमाडौँ । फिफा विश्वकप फुटबल सन् २०२६ को उपाधिका लागि आज राति युरोपियन च्याम्पियन स्पेन र साबिक उपाधि विजेता अर्जेन्टिनाबीच खेल हुँदैछ । अमेरिकाको